Tehranda neft obyektləri vuruldu

ABŞ və İsrail İranın paytaxtı Tehranda və yaxınlığında beş neft obyektinə hücum edib.

Turkdunyasi.az xəbər verir ki, bu barədə İran Milli Neft Məhsullarının Paylanması Şirkətinin baş direktoru Kəramət Veyskərəmi İran dövlət televiziyasına danışıb.
"Dünən gecə Tehranda və Əlburzda dörd neft anbarı və bir neft məhsulları daşıma mərkəzi düşmən təyyarələri tərəfindən hücuma məruz qalıb.
İnsidentdə obyektlər zədələnib. İki neft tankeri sürücüsü də daxil olmaqla, dörd işçimiz həlak olub", - o bildirib.
Məlumata görə, neft obyektlərinə edilən hücumlardan sonra şəhərə “qara yağış” yağmağa başlayıb.
Qeyd edək ki, ötən gecə daha 3 neft obyektinə zərbə endirilmişdi.