Gəncədə kafe yanaraq kül olub

Gəncədə ictimai iaşə obyekti tamamilə yanıb.

Turkdunyası.az-ın məlumatına görə, hadisə şəhərin Abbas Səhhət küçəsində qeydə alınıb. Ümumi sahəsi 100 kv.m olan kafedə yanğın baş verib.
Hadisə yerinə iki yanğınsöndürən avtomobil və 15-ə yaxın canlı qüvvə cəlb olunub.
Alovun qarşısı qısa müddətə alınsa da, obyekt içərisində olan əşyalarla birlikdə tamamilə yanaraq yararsız hala düşüb.
Faktla bağlı araşdırma aparılır.